ԱՐՑԱԽԸ ՎԱՃԱՌՔԻ ՏԱՐԱԾՔՆԵՐ ՉՈՒՆԻ – Armenian Renaissance  

«ՀԱՅԿԱԿԱՆ ՎԵՐԱԾՆՈՒՆԴ» ՍՓՅՈՒՌՔՅԱՆ ՇԱՐԺՈՒՄԸ ԴԱՏԱՊԱՐՏՈՒՄ Է ՈՐՈՇ ՄԻՋԱԶԳԱՅԻՆ ՔԱՂԱՔԱԿԱՆ ԱՏՅԱՆՆԵՐԻ ՀԻՄՆԱԶՈՒՐԿ ՀԱՅՏԱՐԱՐՈՒԹՅՈՒՆՆԵՐԸ

Վերջին մի քանի շաբաթներում աշխարհի մի քանի քաղաքական կառույցների ներկայացուցիչներ կարծես ներքին որոշակի պայմանավորվածությամբ տարբեր քաղաքներից` Մոսկվայից, Բաքվից, Փարիզից և այլ վայրերից հայտարարեցին իրենց բացասական մոտեցումները Արցախի հարցում հայ ժողովրդի բնական և կենսական իրավունքների դեմ:

ԵԱՀԿ Մինսկի խմբի համանախագահ ԱՄՆ-ի ներկայացուցիչ Ջեյմս Ուորլիքը Մոսկվայում, Եվրոմիության խորհրդի նախագահ Դոնալդ Տուսկը Բաքվում, ապա ռուս պատգամավոր Դմիտրի Սավելևը պահանջեցին հայերից Արցախի ազատագրված տարածքները ետ վերադարձնել Ադրբեջանի բռնապետություն, առանց ակնարկ անելու հայերի պատմական իրավունքներին և ազգերի ինքնորոշման միջազգային իրավունքին: Նրանց միացավ նաև ֆրանսիական արտաքին գերատեսչության ղեկավար Լորան Ֆաբիուսը և նրա գործընկերները Փարիզում վերջերս հրատարակած հակաարցախյան փաստաթուղթով, որը խոչնդոտելու է Ֆրանսիա-Արցախ սկսված սահուն համագործակցությունը:

Քննարկումից դուրս է թողնվում առաջարկվող քաղաքականության կործանարար հետևանքները հայ ժողովրդի համար և տպավորություն է ստեցծվում, կարծես նրա ճակատագրի հարցը պետք է լուծվի առանց հայ ժողովրդի մասնակցությամբ:

«Հայկական վերածնունդ» սփյուռքյան շարժումը խիստ դատապարտում է միջազգային վերոհիշյալ ատյանների հակահայ սույն դիրքորոշումը և հայտարարում, որ իր ու իր ազդեցության շրջանակներում գտնվող բոլոր հայերի համար այդ մոտեցումները մնում են բացարձակ անընդունելի:

Արցախի ազատագրված տարածքները երկարատև գերությունից հետո ազատագրվել են հայ ժողովրդի միասնական ջանքերով և այսուհետև նույնպես միասնաբար կպաշտպանվեն նրա կողմից:

Հարգանքներով`

«Հայկական վերածնունդ» սփյուռքյան շարժում

Ստորագրությամբ`

ՀՎ-Լոս Անջելեսի մասնաճյուղ
ՀՎ-Բելգիայի մասնաճյուղ
ՀՎ-Գերմանիայի մասնաճյուղ
ՀՎ-Իսպանիայի մասնաճյուղ
ՀՎ-Իտալիայի մասնաճյուղ
ՀՎ-Լիբանանի մասնաճյուղ
ՀՎ-Կանադայի մասնաճյուղ
ՀՎ-Շվեդիայի մասնաճյուղ
ՀՎ-Չեխիայի մասնաճյուղ
ՀՎ-Ռուսաստանի մասնաճյուղ
ՀՎ-Ֆրանսիայի մասնաճյուղ

8 Օգոստոսի 2015թ.

Los Angeles Chapter

Leave a Comment

Սոցիալական Ցանցերում

Ֆեյսբուք

Մոտակա Միջոցառումները

No results found.