Դատարանը վճռեց Շանթ Ոսկերչյանի օգտին, Նա արդեն կարող է այցելել Հայաստան – Armenian Renaissance  

ShantDecisionԱյսօր՝ ապրիլի 27-ին, ՀՀ Վարչական դատարում քննվող՝ Շանթ Ոսկերչյանն ընդդեմ ՀՀ ԱԱԾ-ի գործով դատական նիստի ժամանակ ԱԱԾ ներկայացուցիչը գրավոր փաստաթուղթ է ներկայացրել, որի համապատասխան Շանթ Ոսկերչյանի տվյալները ապրիլի 25-ից հանվել են ՀՀ տարածքում անցանկալի օտարերկրացիների տվյալների բանկից:

Ֆրանսահայ ազգային-քաղաքական գործիչ, «Հայկական վերածնունդ» համասփյուռքյան կազմակերպության Փարիզի մասնաճյուղի համակարգող, Հիմնադիր խորհրդարանի պատգամավոր Շանթ Ոսկերչյանը, որի մուտքը ՀՀ արգելված էր 2015 թ. մայիսից, արդեն կարող է այցելել Հայրենիք և մասնակցել նրա հասարակական-քաղաքական կյանքին:

Շանթ Ոսկերչյանը, դատարանում նրա իրավունքներն ու շահերը ներկայացնող Հելսինկյան քաղաքացիական ասոցիացիայի Վանաձորի գրասենյակի, «Հայկական վերածնունդ» համասփյուռքյան կազմակերպության, ինչպես նաև Հայրենիքում և արտերկրում գործող քաղաքական ու քաղաքացիական ուժերի և անհատների ջանքերով բռնապետական ռեժիմն ի դեմս ԱԱԾ-ի ստիպված եղավ նահանջել և ընդունել արտերկաբնակ հայի՝ Հայրենիքում լինելու ու նրա կյանքին մասնակցելու իրավունքը:

ՀՀ ԱԱԾ-ի դեմ Շանթ Ոսկերչյանի հայցի մյուս երկու պահանջներով (ոչ իրավաչափ ճանաչել ՀՀ տարածքում անցանկալի օտարերկրացիների տվյալների բանկում Շանթ Ոսկերչյանի տվյալների ներառումը և անվավեր ճանաչել դրա դեմ վարչական բողոքի վերաբերյալ կայացված ակտը) դատական քննությունը կշարունակվի՝ հերթական նիստը տեղի կունենա հուլիսի 6-ին, ժամը 15:00:

«Առաջին լրատվական»– ի հետ զրույցում Շանթ Ոսկերչյանը նշեց. «Այսօր իմ կյանքի ամենաերջանիկ օրն է, չէի սպասում, իսկապես շատ հուզված եմ, չափազանց ուրախ եմ, չեք կարող երևակայել: Արդեն տոմսս վերցրել եմ: Շատ շուտով կգամ Հայաստան»:

Մանրամասները՝ տեսանյութում:

Աղբյուր

Հ.Գ. Արդեն 3 տարուց ավելի գործող «Հայկական Վերածնունդ» սփյուռքյան կազմակերպությունը ոչ մի կապ կամ առընչություն չունի վերջերս Հայաստանում ստեղծված կուսակցության հետ:

Los Angeles Chapter

Leave a Comment

Սոցիալական Ցանցերում

Ֆեյսբուք

Մոտակա Միջոցառումները

No results found.