Հայկական Վերածնունդ սփյուռքյան կազմակերպությունը պահանջում է վերացնել Սասնա Ծռերի դատական հետապնդումը – Armenian Renaissance  

2020թ․ օգոստոսի 12-ին ՀՀ պետական մեղադրողը առաջարկեց Սասնա Ծռեր ապստամբ խմբավորման տղաներին դատապարտել խստագույն պատժամիջոցներով, որին ձգտում էր նախկին հանցագործ վարչակարգը։

Սասնա Ծռեր զինված ջոկատի տղաները իրականացրին մեր ժողովրդի ապստամբության իրավունքը՝ կանխելու համար Սերժ Սարգսյանի կողմից նախապատրաստվող հայկական հողերի հանձնումը Ադրբեջանին։ Դրանով նրանք նաև աննախադեպ ուժգնությամբ թուլացրեցին ռեժիմի դիրքերը, թեև այն վերջնականապես կոտրել չհաջողվեց։

Ներկա իշխանությունը իր վարած քաղաքականությամբ հանգեցրել է նրան, որ Սասնա Ծռերը, որոնք պայքարում էին նույն ռեժիմի դեմ, ինչ 2018 թ. հեղափոխությունը, պատժվում են այդ ռեժիմի դատախազների ու դատավորների կողմից, նրանց կայացրած անարդար արդարադատությամբ: Սա բացարձակապես անընդունելի է և հակասում է հեղափոխության նպատակներին և տրամաբանությանը:

Եթե ներկա իշխանությունը շարունակի գործել նախկին համակարգի տրամաբանությամբ՝ ապա մենք նույնպես ստիպված կլինենք սփյուռքում որդեգրել ընդդիմադիր կեցվածք։ Մենք մշտապես զորավիգ ենք եղել ՀՀ-ում ժողովրդավարական շարժումներին՝ ընդհուպ մինչև 2018 թ։ Մեր հույսերը, սակայն, չարդարացան և այժմ հստակ տեսնում ենք հեղափոխական տրամաբանության ոչնչացում, որի դեմ մենք պատրաստ ենք պայքարել։

Ներկա իշխանությունը ի դեմս վարչապետ Փաշինյանի՝ իր իսկ տված խոստումները չկատարելու պատճառով դժգոհության մեծ ալիք է առաջացնում Հայաստանում և Սփյուռքում։ Այդ պատճառով հաճախակի են դարձել Փաշինյանին նախկինների հետ նույնականացնելու պնդումները: Սասնա Ծռերին նախկին ռեժիմի տրամաբանությամբ և խստությամբ մեղադրանք առաջադրելը ամենացցուն փաստն է: Միայն Փաշինյանը կարող է այս կասկածները ցրել՝ ձեռնարկելով հեղափոխությանը հարիր որոշումներ և գործողություններ։

Վարչապետ Փաշինյանից պահանջում ենք.
1. Վերահաստատել նախկինում արտահայտած իր իսկ դիրքորոշումը, որ Սասնա Ծռերն ահաբեկիչներ չեն, այլ հերոսներ
2. Պաշտոնից հեռացնել գլխավոր դատախազին և Սասնա Ծռերին մեղադրանք ներկայացրած դատախազներին
3. Օգտվելով հեղափոխական ժողովրդի կողմից ընձեռնված գործադիր և օրենսդիր իշխանությունից, և ելնելով հեղափոխության թելադրանքից՝ միջոցներ ձեռնարկել Սասնա Ծռերին դատական հետապնդումից անհապաղ ազատելու համար:

Հարգանքներով՝
Հայկական Վերածնունդ սփյուռքյան կազմակերպություն
15․08․2020թ․

Los Angeles Chapter

Leave a Comment

Սոցիալական Ցանցերում

Ֆեյսբուք

Մոտակա Միջոցառումները

No results found.